Mehaj në ceremoninë e certifikimit të 311 rekrutëve të rinj të Forcës së Sigurisë së Kosovës, e cila u mbajt ditën e premte, pati fjalë të mëdha për ushtarët, raporton InLajmi.
Ministri i Mbrojtjes, Armend Mehaj, u kërkoi rekrutëve të rinj që të mos harrojnë se në ADN-në e tyre është Ushtria Çlirimtare e Kosovës dhe ajo e komandantit legjendar, Adem Jasharit.
Ministri Mehaj tha se FSK-në e udhëheqin ushtarakisht e politikisht dy Ademë, duke ju referuar Adem Jasharit dhe Adem Demaçit.
“Nuk mund të ecim përpara nëse nuk nderojmë të kaluarën, historia jonë na ka bërë kjo që jemi sot dhe për atdhe derdhim gjak dhe lot, atdheu është pasuria jonë më e madhe për të jetojmë dhe për të vdesim” tha Mehaj.
Tutje, Ministri i Mbrojtjes jut ha ushtarëve se duhet të ecin me kokën lartë, sepse gjithmonë kanë luftuar për ta mbrojtur vendin e vet, e asnjëherë për të pushtuar një vend tjetër.
Mehaj gjithashtu shtoi se në AND-në e ushtarëve kosovarë është Ushtria Çlirimtare e Kosovës dhe dy heronjtë e popullit, Adem Jashari dhe Adem Demaçi.
“Ushtarë të dashur gjatë shërbimit tuaj brenda dhe jashtë vendit ecni gjithmonë me kokën lartë sepse ushtria jonë nuk ka luftuar kurrë për të pushtuar territore të huaja por ka mbrojtur me shpirt territorin e vet. Dijeni se në AND-në tuaj keni Ushtrinë Çlirimtare të Kosovës, keni ADN-në e komandantit legjendar, Adem Jashari”.
këtë fjalim Mehaj e mbajti në ceremoninë e certifikimit të 311 rekrutëve të rinj të Forcës së Sigurisë së Kosovës. /InLajmi/
