Presidentja e Kosovës, Vjosa Osmani sot në një konferencë për media tha se menjëherë pas Banjskës, ushtria serbe ishte grumbulluaar përreth tërë kufirit me Kosovën.
Ajo u shpreh se kishte komunikuar urgjentisht me aleatët, siç tha ajo, për t’i informuar që rreziku nuk ka kaluar.
“Menjëherë pas Banjskës ne kemi marrë informata nga institucionet tona të sigurisë që ka grumbullim të paprecedent të ushtrisë serbe dhe armatimit serb, në kufi me Kosovën dhe jo vetëm në veri, por edhe në pjesën lindore”.
“Po flas tash për vitin 2023, kam komunikuar urgjentisht me aleatët tanë, deri në nivelet më të larta, për t’i informuar që rreziku nuk ka kaluar, me zbrapsjen e terroristëve në Banjskë, por që në fakt rreziku akoma vazhdon, sepse ata kishin mbledhur ushtrinë dhe mjetet e tyre ushtarake përreth Kosovës në një nivel që nuk i kemi parë nga 99-ta”, u shpreh tutje Osmani./Klankosova.tv
