Një incident i ka ndodhur një mërgimtari teksa ndodhej në banesën e tij në Ferizaj. Një dërrasë kishte rënë prej katit të 16-të i një ndërtesë në ballkonin e banesës së tij.
Fatmirësisht nuk ka pësuar lëndime, por që siç shprehet ai, shkaku i ndërtimeve të dobëta, mund të kishte përfunduar me fatalitet.
L.H. ka adresuar një rast të ndodhur më datë 29 gusht. Ai fajëson edhe Policinë e Ferizajt për mosreagim të duhur.
Siç shprehet qytetari, “më 29 gusht mund të kisha përfunduar i vdekur nga ndërtimet dhe Policia e Ferizajt nuk ka hapur as rast. Ata e kanë shënuar veç shënim zyrtar dëmtim prone dhe jo shkaktim i rrezikut të përgjithshëm. Dua të them që nuk kanë hapur as rast për rrezikimin e jetës time nga pakujdesitë e ndërtuesve”.
“Kjo dërrasa me dimensione 50 cm x 2 metra më ka rënë nga kati i 16 i ndërtesës në ballkanin e terases 20 cm ku isha duke pirë cigare”.
“Fatmirësisht nuk kam plagë, ato pjesët e betonit më ranë në trup por nuk kam plagë përveç telefonit që më është dëmtuar. Më shqetëson papërgjegjësia e institucioneve”, thotë mërgimtari.
