ADVERTISEMENT
Ministri i Bujqësisë, Faton Peci, ka kërkuar masa rigoroze nga Agjencia e Ushqimit dhe Veterinës kundrejt zbatimit të Ligjit për Kontrollin e Duhanit si dhe shtim të aktivitetit të inspektorëve sanitarë në teren.
Peci tregoi se nga sot, do të ketë zero tolerancë ndaj duhanit në ambiente të mbyllura, hapësira publike, të punës, në hapësira të transportit publik dhe në çdo hapësirë tjetër që përcaktohet me ligjn për kontrollin e duhanit.
“Çdo qytetar i Republikës së Kosovës gëzon të drejtën ligjore që të mbrohet nga ekspozimi ndaj tymit të duhanit. Kujdes! Për mos-respektuesit e ligjit në fjalë, do pasojnë gjobitjet”, shkroi ai në Facebook.
“Me shëndetin dhe mirëqenien e qytetarëve nuk bëhet kompromis! Stop duhanit”, shtoi i pari i MBPZHR-së.
