Mos-marrëveshja në Bruksel mobilizon Kosovën, mblidhen Osmani, Konjufca e Sveçla

Mos-arritja e marrëveshjes mes Kosovës dhe Serbisë në Bruksel për çështjen e targave, ka mobilizuar krerët e shtetit.

Kësisoj, presidentja e vendit, Vjosa Osmani po e zhvillon një takim me kryetarin e Kuvendit, Glauk Konjufca, mëson Paparaci nga burimet e veta.

Në takim, po ashtu i pranishëm është edhe ministri i Punëve të Brendshme, Xhelal Sveçla, kurse kryeministri Albin Kurti, nuk ka mbërritur ende pasi po udhëton nga Brukseli.

Nga presidenca ende nuk janë deklaruar, pasi takimi vazhdon të mbahet.

Ndërkohë, shefi i politikës së jashtme të BE-së, Josep Borrell, të hënën tha se Kosova dhe Serbia nuk arritën ndonjë marrëveshje për çështjen e targave dhe për këtë hodhi përgjegjësinë sidomos te pala kosovare.

Borrell priti të hënën në Bruksel kryeministrin e Kosovës, Albin Kurti, dhe presidentin e Serbisë, Aleksandar Vuçiq.

https://www.neptun-ks.com/content/BroshuraBFnentor.pdf

“Pas shumë orë diskutimesh, dy palët nuk u pajtuan për zgjidhjen sot”, tha Borrell, duke shtuar se një gjë e tillë lë “vakum shumë të rrezikshëm sigurie”.

“Po, ne kemi mision, EULEX-in, edhe KFOR-in po ashtu. Por, ata nuk mund të marrin sipër rolin e Policisë së Kosovës”, tha ai.

Post Views: 40