Moti i keq. Shtyhen lundrimet në Durrës, Vlora përfshihet nga stuhitë!

E diela pritet të shoqërohet me mot me reshje intensive. Në Durrës, lundrimi i trageteve drejt Barit, është pezulluar për disa orë.

“Njoftojmë të gjithë pasagjerët që kanë rezervuar biletat për të lundruar me traget mbrëmjen e sotme drejt Barit(Itali) se për shkak të kushteve të vështira të motit, nisja nga Porti i Durrësit do të bëhet me disa orë vonesë.

Kompanitë e lundrimeve do të respektojnë të gjitha detyrimet që lindin nga kjo vonesë, prandaj për çdo informacion mund të kontaktoni me to”, njoftohet nga autoritetet.

Mbrëmja duket e vështirë edhe në Vlorë, pasi reshjet intensive dhe stuhitë parashikohen deri në paraditen e së nesërmes./L.F-dritare.net