Analisti Imer Mushkolaj ka reaguar ndaj deklarimeve të bashkëshortit të presidentes Vjosa Osmani duke thënë se ai po spekulon kur pretendon se gazetarët po nxisin dhunë ndaj fëmijëve të vegjël.
“Kështu po thotë personi që nuk ka lënë rast pa i sulmuar mediat dhe gazetarët. Ai dhe gruaja e tij presidente po ankohen se mediat po ua përndjekin vajzat, ndërkohë që mediat veç po kërkojnë llogari dhe përgjegjësi për keqpërdorimin e resurseve shtetërore,” tha Mushkolaj.
Sipas tij, presidentja po shkon edhe më tej duke shantazhuar gazetarët përmes informacioneve që, siç thotë ajo, i ka marrë nga institucionet e sigurisë.
“Familja presidenciale sërish në aksion ndaj mediave dhe gazetarëve. Ashpër dhe turpshëm drejt fundit të mandatit. Rrezikshëm dhe turpshëm!” përfundoi Mushkolaj.
