Drejtori i Shërbimeve Publike në Komunën e Prishtinës, Ilirik Musliu, e ka quajtur legjitime grevën e punëtorëve të KRM “Pastrimi”, me ç’rast mbeturinat në kryeqytet kanë mbetur pa u mbledhur.
Ndonëse e quan të drejtë kërkesën për rritje pagash, Musliu thotë se greva nuk duhet të bëhet në këtë formë.
“Sot bashkë me nënkryetarin e komunës, Alban Zogaj, kemi takuar punëtorët dhe kemi dashtë që së afërmi t’i dëgjojmë problemet e tyre. Kërkesat për rritje të pagës është legjitime dhe duhet një rritje page, mirëpo jo sot të lajmërohet dhe sot të futen në grevë, përndryshe është e nevojshme rritja e pagës dhe ne si komunë jemi me ta”, u shpreh ai.
ADVERTISEMENT
