Nagavci: 444 investime në përmirësimin e infrastrukturës në institucionet edukativo-arsimore

Ministrja e Arsimit, Arbërie Nagavci ka thënë se 444 investime janë bërë në përmirësimin e infrastrukturës në institucionet edukativo-arsimore.

Me anë të një postimi në Facebook, ajo tha se që nga marrja e mandatit janë investuar 61,908,425.26 euro në infrastrukturën e institucioneve edukativo-arsimore, shkruan Arbresh.info.

Ajo tha se janë investuar duke ndërtuar shkolla të reja, çerdhe të reja, salla sportive, renovuar objektet ekzistuese dhe siguruar mjedise më të përshtatshme për nxënësit dhe mësimdhënësit.

“360 projekte të përfunduara tashmë, 70 në proces dhe 14 në pocedura të prokurimit.”, ka shkruar ajo.