Ministrja e Arsimit, Arbërie Nagavci, ka folur edhe njëherë në lidhje me çështjen e furnizimit me tekste shkollore për nxënësit.
Nagavci ka bërë të ditur se deri tani në platformën E-Kosova kanë aplikuar 92 mijë prindër.
Ajo u ka bërë thirrje prindërve që përpara se ti blejnë tekstet shkollore të konsultohen me mësimdhënësit.
“Deri tash në këtë platformë kanë aplikuar gjithsej 92 mijë prindër. Për të gjithë ata që kanë aplikuar, ju informoj se jemi në proces të aspekteve teknike për transferim të mjeteve në xhirrollogaritë tuaja. Po ashtu, ju siguroj se të gjitha ankesat që i kemi pranuar deri tash janë duke u shqyrtuar.Sa i përket rasteve kur nxënësit janë 5 vjeç, pagesa do të bëhet pas verifikimit të rasteve. Mundësia për të aplikuar do të jetë e hapur deri në fund të muajit shtator, me qëllim që asnjë nxënës të mos mbetet pa u pajisur me tekste shkollore.Kemi kërkuar nga DKA-të që të publikojnë listën për tekste shkollore dhe sipas informatave tona, shumica e shkollave tashmë i kanë publikuar tekstet e zgjedhura nga aktivat profesionale” shkruan Nagavci.
