Ndërroi jetë në aksidentin tragjik në Greqi, e reja shqiptare përcillet sot në banesën e fundit

Ditën e sotme do të mbahet funerali i 23-vjeçares shqiptare, Evigjeni Micka, e cila ndërroi jetë në aksidentin fatal të dy trenave në Greqi.

“Sot është një moment shumë i vështirë për familjen e 23-vjeçares shqiptare Evgjeni Micka, në orën 11:00 varrimi i saj bëhet në Giannica”, tha avokati i familjes së vajzës.

“Trishtimi dhe inati po rritet. Kemi besim te drejtësia greke, jemi të sigurt që përgjegjësitë do të caktohen aty ku i takojnë. Familjet e viktimave presin një falje të sinqertë të cilën nuk e kanë dëgjuar”, shtoi Sourlas.

Mediat greke shkrujnë se e reja shqiptare ndodhej në sediljen e 67 në vagonin e tretë natën fatkeqe, trupi i saj u identifikua dy ditë pas aksidentit.

Ajo po udhëtonte me partnerin e saj, i cili u shpëtua i plagosur, ndërsa teksa po e nxirrnin nga rrënojat, ai i kërkoi ndihmë për të dashurën e tij që ishte ende brenda. Njerëzit e saj po bëjnë thirrje që përgjegjësit për përplasjen e trenit që vrau dhjetëra fëmijë të vegjël të mbajnë përgjegjësi.

Avokati i familjes, i cili ka qenë edhe ai që ka bërë të ditur se 23-vjeçarja është gjetur e vdekur, ka deklaruar se familja e të ndjerës është e shkatërruar dhe e tronditur nga vdekja e saj e parakohshme.

Post Views: 124