Policia e Kosovës ka njoftuar se në Prishtinë, një foshnjë dymuajshe në rrethana deri tani të panjohura ka ndërruar jetë.
Në raportin 24-orësh të Policisë bëhet e ditur se njësitet policore kanë dalë në vendin e ngjarjes derisa ekipi mjekësor ka konstatuar vdekjen.
Tutje njoftohet se me urdhër të prokurorit, trupi i pajetë i viktimës është dërguar në IML për obduksion, ndërsa njësitet policore janë duke hetuar rastin.
“Viktima mashkull kosovar (foshnjë-dymuajshe) në rrethana deri më tani të panjohura ka ndërruar jetë. Njësitet policore kanë dalë në vendin e ngjarjes ndërsa ekipi mjekësor ka konstatuar vdekjen. Me urdhër të prokurorit, trupi i pajetë i viktimës është dërguar në IML për obduksion, ndërsa njësitet policore janë duke hetuar rastin”, thuhet në raportin 24- orësh të PK-së.
