Në ditën ndërkombëtare të gruas (8 mars), Komuna e Podujevës ka nënshkruar memorandum mirëkuptimi me organizatën “Women for women” për angazhimin e 40 grave në praktikë profesionale në çerdhe publike, në periudhë një mujore.
Praktika profesionale do të jetë me pagesë.
Në emër të Komunës së Podujevës marrëveshjen e ka nënshkruar drejtori i Arsimit, Avni Fetahu, ndërsa në emër të organizatës marrëveshjen e ka nënshkruar drejtoresha ekzekutive Iliriana Gashi, e pranishme në ceremoninë e nënshkrimit të marrëveshjes ishte edhe nënkryetarja e Komunës, Marigona Lahu.
Sipas njoftimit të Komunës, ky angazhim do të iu ndihmojë grave që të ngrisin kapacitetet e tyre në fushën e kujdesit ndaj fëmijëve, si dhe të mësojnë teknikat dhe përvojat më të mira nga edukatoret që punojnë në çerdhet publike.
