Në Ditën Ndërkombëtare të Fëmijëve kryetari Bulliqi pret në zyre 10 fëmijë nga dy shkollat fillore të qytetit
Sot në Ditën Ndërkombëtare të Fëmijëve kryetari i Komunës, Shpejtim Bulliqi ka pritur në zyren e tij 10 fëmijë nga 2 shkollat fillore të qytetit “Ibrahim Rugova“ dhe “Shaban Shala”, të cilët shoqëroheshin nga psikologia Dafina Arifi për t’i informuar më shumë rreth punës së përditshme si kryetar komune dhe për t’ju uruar festën e tyre.
Kryetari Bulliqi tha se angazhimet tona të përditshme si institucione lokale janë për t’ju siguruar të gjithë fëmijëve kushte më të mira jetese dhe për t’i mbrojtur nga abuzimet eventuale. Pas këtij takimi kryetari Bulliqi dhe fëmijët vazhduan për në sheshin e qytetit në organizimin që është bërë për kremtimin e festës së 1 qershorit.
01.06.2023, Podujevë
Zyra për Marrëdhënie me Publikun dhe Informim
