Në programin “Mëngjesi me Arben Ahmetin është raportuar se rreth 400 nxënës të shkollës fillore “Afrimi e Fahriu” në Lluzhan të Podujevës tash e dy ditë janë duke e zhvilluar mësimin pa ngrohje.
Përshkak të temperaturave të ulta nxënësit detyrohen ta mbajnë mësimin me pallta, raporton Gazeta10.
Drejtori i kësaj shkolle Naim Murati, përmës telefonit ka thënë se shkolla ka mbetur pa ngorhje për shkak të një prishjeje në motorin e ngrohjes qëndrore të objektit por që problemi është rregulluar dhe shkolla ka ngorhje.
E për ta parë situatën pa ngrohje në këtë shkollë, drejtori i arsimit në Podujevë, Avni Fetahu e ka vizituar këtë shkollë mëngjesin e së enjtës.
Ai ka thënë se komuna ka lidhur kontratë me operatorin dhe se në momentin kur ka prishje të tilla bëhen menjëherë ndërhyrjet e nevojshme.
Kryetari I komunës Shpejtim Bulliqi ka thënë se janë të njoftuar për rastin dhe se janë të gatshëm të intervenojnë në vendet ku ka prishje.
“Nuk është që nuk ka fare nxemje por nuk është nxemja me intensitetin çfarë realisht duhet me qenë përndryshe ka nxemje por nuk është e kualitet të lartë”, tha ai.
Ndryshe nga drejtoria e arsimit është njoftuar se gjithë shkollat në këtë komunë janë të furnizuara më lëndët e nevojshme për ngorhje në institucionet publike./Gazeta10
