Diskutohet për hartat e rrezikut nga vërshimet dhe përmbytjet në Komunën e Podujevës
Sot gjatë ditës zyrtarë të Ministrisë së Mjedisit, Planifikimit Hapësinor dhe Infrastrukturës dhe një ekspert ndërkombëtar i lumenjëve kanë zhvilluar takim me drejtorët Bahri Selimi, Leutrim Krasniqi dhe Fatlum Osmani, për të diskutuar rreth realizimit të projektit për hartat e rrezikut nga përmbytjet dhe hartat e rrezikut nga vërshimet.
Ky projekt po realizohet për të gjitha pellgjet e lumenjve në Kosovë, me financim nga organizata WBIF, me qëllim të sigurimit të të dhënave dhe informacioneve që ndihmojnë institucionet në identifikimin e faktorëve parandalues për shkaktimin e vërshimeve dhe përmbytjeve.
Gjatë takimit u diskutua edhe për nevojën e përpilimit të një plani të detajuar mes të gjithë akterëve institucional, dhe karshi këtij plani të ndërmirren masa preventive për parandalimin e vërshimeve dhe përmbytjeve në vendin tonë, duke ruajtur vendbanimet, pronat dhe tokat bujqësore.
