ADVERTISEMENT
Në rezidencën e drejtuesit të Zyrës ndërlidhëse të Republikës së Kosovës në Beograd po mbahet sot një organizim për nder të 15 vjetorit të pavarësisë së Republikës Kosovës.
Lajmin e ka bërë të ditur deputeti shqiptar në Kuvendin e Serbisë, Shaip Kamberi përmers një postimi në Facebook.
“Në Beograd, organizuar nga Zyra ndërlidhëse e Kosovës, u shënua 15 vjetori i Pavarësisë së Kosovës”, ka shkruar ai duke i bashkëngjitur fotografi nga eventi.
Kamberi në këtë organizim shihet i shoqëruar me drejtuesin e Zyrës Ndërlidhëse të Republikës së Kosovës në Beograd, Jetish Jasharin dhe kryetarin e Këshillit Kombëtar, Ragmi Mustafi.
