ADVERTISEMENT
Nënkryetarja e Komunës, Marigona Lahu bashkë me nënkryetaren e Komunës së Prishtinës, Donjeta Sahatçiu, sot morën pjesë në një panel diskutimi në aktivitetin “Vajzat në TIK”, ku u mbajt në IAAP “Fan S. Noli” në kuadër të javës “Vajzat në Tik”, që po mbahet për regjionin e Prishtinës.
Nënkryetarja Lahu në fjalën para të pranishmëve i inkurajoi vajzat që të ndjekin ëndrrat e tyre duke u sfiduar në rrugë të vështira, por me qëllim e përkushtim të qartë për t’i arritur rezultatet e dëshiruara. Me theks të veçantë nënkryetarja Lahu foli për mundësitë e shumta që ofron teknologjia informative si një fushë me shumë potencial, duke i motivuar që të fillojnë karrierën e tyre profesionale në këtë fushë dhe duke na bërë krenarë të gjithëve me rezultatet e tyre.
Ndërsa sa i përket krijimit të kushteve dhe mbështetjes institucionale nënkryetarja Lahu u zotua se do të jetë e vazhdueshme. Pas panelit te diskutimit pjesëmarrset e këtij paneli vizituan kabinetin e teknologjisë informative, dizajnit dhe robotikës. /Marrëdhënie me Publikun – Podujevë
