27 shtatori ishte data kur nënkampioni aktual i Kosovës, ka fituar për herë të fundit në Superligë.
Atë kohë Llapi e mundi Suharekën në Podujevë me rezultat 3-0
E pikërisht ky kundërshtar e mposhti thellë sot skuadrën e Tahir Batatinës, duke futur zyrtarisht në luftë për mbijetesë.
Me 17 pikë në 16 ndeshje, podujevasit janë në garë tani me Dukagjinin dhe Ferizajin, për mbetje në elitën futbollistike, pasi edhe këto dy ekipe kanë grumbulluar po aq pikë.
Nga ana tjetër, “të verdhët” e Suharekës u rikthyen te triumfi pas gjashtë dueleve pa fitore.
Mevlan Zeka e nisi “vallën” e golave, pas tij Arvanit Rexhaj dyfishoi epërsinë, derisa trinomi i realizimeve u krijua me Eneit Kodrën, i cili e vendosi rezultatin final të pjesës së parë, kurse një minut para se të mbyllej krejt takimi, Lorik Boshnjaku realizoi golin e katërt, raporton Klankosova.tv.
Trajneri Qëndrim Kida arriti të fitojë vetëm ndeshjen e dytë, që kur u emërua te suharekasit, pasi e kishte mposhtur Prishtinën që në debutim.
Që atëherë, kjo skuadër mori tri barazime e aq humbje, derisa tani ka 22 pikë.
Në stadiumin e qytetit të Suharekës, Llapi do të luaj edhe në vikend, si mysafir i kampionit aktual, Ballkanit.
Kurse Suhareka udhëton në Malishevë.
