Drejtoria e Arsimit e Komunës së Prishtinës ka kërkuar që ora e parë e mësimit nesër, më 16 shtator, t’i kushtohet Ushtrisë Çlirimtare të Kosovës (UÇK), historisë së luftës për çlirimin e Kosovës dhe kontributit të çlirimtarëve.
Në shkresën e datës 15 shtator 2026, drejtorive të shkollave u është kërkuar që gjatë orës së parë të mësimit të trajtohen, në mënyrë të përshtatshme për moshën e nxënësve, temat që lidhen me luftën e UÇK-së, sakrificën e qytetarëve për lirinë e Kosovës, si dhe procesin gjyqësor në Hagë ndaj ish-krerëve të UÇK-së.
Sipas Komunës së Prishtinës, kjo nismë synon që nxënësit të njihen me historinë e afërt të vendit dhe të reflektojnë mbi rëndësinë e lirisë, paqes dhe kujtesës historike.
“Qëllimi i kësaj ore është që nxënësit të njihen me historinë e afërt të vendit tonë dhe të reflektojnë mbi rëndësinë e lirisë, paqes dhe kujtesës historike”, thuhet në shkresë.
