Këtë javë ka filluar zbatimi i subvencionimit të faturave të energjisë elektrike për muajin tetor, një masë e destinuar për familjet e cënueshme me të ardhura të ulëta.
Lajmin e ka bërë të ditur ish-ministri i Financave, Hekuran Murati, përmes një postimi në Facebook.
Sipas tij, përfituesit tashmë mund ta shohin vlerën e subvencionit si në aplikacionin elektronik, ashtu edhe në faturat fizike që do të shpërndahen gjatë ditëve të ardhshme.
Murati ka theksuar se kjo mbështetje e Qeverisë do të vazhdojë për gjashtë muaj, deri në përfundim të sezonit të dimrit, njësoj si vitin e kaluar, me qëllim lehtësimin e barrës financiare për familjet në nevojë.
Postimi i plotë:
Nga kjo javë ka filluar subvencionimi i faturave të energjisë elektrike për muajin tetor, për të gjitha familjet e cënueshme me të ardhura të ulëta.
Familjet përfituese mund ta shohin vlerën e subvencionit si në aplikacionin elektronik, ashtu edhe në faturat fizike që shpërndahen në ditët në vijim.
