I dërguari i Bashkimit Evropian për dialogun Kosovë-Serbi, Miroslav Lajçak, shkroi në Twitter se po vazhdon takimi në Bruksel me negociatorin e Kosovës, Besnik Bislimi dhe atë serb, Petar Petkoviq.
ADVERTISEMENT
Ai tha të mërkurën se po shpreson sinqerisht që do të gjendet një zgjidhje për ta depërshkallëzuar tensionet, derisa shtoi shpreson të punohet drejt normalizimit të marrëdhënieve.
“Bisedimet po vazhdojnë”, shtoi ai.
Takimi po zhvillohet dy ditë pas një takimi që ka rezultuar pa marrëveshje mes kryeministrit të Kosovës, Albin Kurti dhe presidentit të Serbisë, Aleksandar Vuçiq, lidhur me çështjen e targave.
Përfaqësuesi i Lartë i BE-së për Politikë të Jashtme dhe Siguri, Josep Borrell, e ka fajësuar sidomos Kosovën për mosarritje të marrëveshjes.
