Sot ka nisur në Tiranë Konferenca Ndërkombëtare e Qeverisjes 2025, një forum global që synon të bëhet pikë referimi për diskutime mbi të ardhmen e qeverisjes. Konferenca, e cila do të mbahet çdo vit, është një moment reflektimi dhe thirrje për veprim ndaj institucioneve dhe politikëbërësve.
Në fjalën e tij hapëse, organizatori theksoi se “nëse qeverisja nuk pëson një ristrukturim të thellë, nga promotor i zhvillimit, rrezikon të kthehet në pengesë”. Ai shtoi se përballë ndryshimeve të shpejta dhe kompleksitetit në rritje, institucionet duhet të bëhen më fleksibël, transparente dhe efikase, duke rigjallëruar parimet e qeverisjes së mirë në dritën e sfidave globale si teknologjia, krizat klimatike, presionet ekonomike dhe trysnitë mbi demokracinë.
Në Panelin e parë, “Sfidat dhe mundësitë e qeverisjes në një botë që evoluon me shpejtësi”, liderë dhe ekspertë ndërkombëtarë sollën mesazhe kyçe:
- Kryeministri Edi Rama: “Lidershipi i vërtetë testohet në kohë krize, dhe koha jonë është pikërisht kjo provë”.
- Ambasadori Nicholas Abbott: “Demokracia nuk eksportohet, ajo ndërtohet nga brenda”.
- Harry Hardman: “Shërbimet për qytetarët janë aseti ynë i vetëm dhe duhen ofruar me efikasitet”.
- Massimiliano Paoluçi: “Partneritetet publiko–private janë çelësi për zhvillim të qëndrueshëm”.
Këto reflektime e bëjnë të qartë se rigjallërimi i qeverisjes nuk është opsion, por domosdoshmëri, në mënyrë që sektori publik të funksionojë me të njëjtin nivel efikasiteti, llogaridhënieje dhe inovacioni si sektori privat.
#IGC2025 synon të jetë një hap drejt kësaj rruge dhe një thirrje për një epokë të re të qeverisjes.
