Ky është momenti kur Sali Berisha është qëlluar me grusht në fytyrë nga një person teksa po shkonte drejt protestës.
Në protestën e thirrur prej tij, Sali Berisha qëllohet me grusht në fytyrë. Një person ka hyrë në radhët e protestuesve dhe ka goditur ish-kryeministrin në fytyrë sapo doli nga selia blu dhe nisi marshimin për në Bulevard.
Menjëherë kanë ndërhyrë bodigardi i Sali Berishës dhe ish shefi i policisë Erzen Breçani që kanë rrahur rëndë personin duke e gjakosur. Atyre i janë bashkuar edhe mbështetësit që nuk kanë kursyer dhunën ndaj tij.
Por ky incident nuk e ka ndalur Berishën. Ndonëse u rrëzua në tokë në goditja e fortë me grusht, Sali Berisha u ngrit dhe i gjakosur në fytyrë vijoi të ecte drejt Bulevardit me masa të shtuara. Sapo mbërriti në Bulevard, mbajti fjalën e tij duke thënë:
“Asgjë në botë nuk na mposht ne, popullin e opozitës dhe popullin e fitores, poshtë Edi Rama, poshtë kriminelët, ne do ju rrëzojmë. Jemi këtu sot së bashku për të protestuar kundër regjimit të horrave dhe kriminelave.”
Ndryshe nga ç’kishin thënë, Sali Berisha dhe Ilir Meta nuk kanë tentuar të futen brenda perimetrit të sigurisë nw protestën e sotme. Ata kanë ngritur skenën para Hotel Dajtit dhe nuk janë para Kryeministrisë.
Kliko në video:
