‘Nuk e di saktë kur kthehna me performu’ – Dafina Zeqiri ndalon koncertet, së shpejti pritet të bëhet nënë

Këngëtarja e njohur shqiptare, Dafina Zeqiri, ka bërë një njoftim për të gjithë fansat e saj. Ajo ka treguar se këtë të shtunë do ta mbajë koncertin e fundit për një kohë të pacaktuar, pasi së shpejti do të bëhet nënë për herë të parë.

Përmes një postimi në rrjetin social ‘Instagram’, Dafina ka ndarë emocionet e mëdha që po përjeton, teksa pret të vijë në jetë djali i saj.

Artistja nuk ka dhënë detaje se kur do të rikthehet në skenë, por ka lënë të kuptohet se do të pauzojë për një kohë nga performancat live.

Ka shumë të mira rrugës, një surprizë shumë të bukur këtë verë, për të tjerat nuk po flas, po ia lë kohës”, ka shkruar ndër të tjera Dafina, duke shtuar se me projekte muzikore nuk do të ndalet.