ADVERTISEMENT
Kryetari i Komunës së Podujevës, Shpejtim Bulliqi ka reaguar lidhur me arrestimin e tre qytetarëve të Komunës së Podujevës mes kufirit të Kosovës dhe Serbisë.
Siç shkruan Bulliqi, ndaj të tre të arrestuarve është caktuar masa e paraburgimit për 48 orë dhe sipas tij, motivet nuk dihen përveç dyshimeve se janë hakmarrëse dhe po ndërlidhen me situatën në veri.
Ky është postimi i plotë:
Me shqetësim mora lajmin që tre qytetarë të Komunës së Podujevës janë arrestuar në kufirin mes Kosovës dhe Serbisë në Merdar.
Sipas informatave që kemi pranuar atyre ju është caktuar masa e paraburgimit për 48 orë nga autoritetet serbe, kurse për motivet e arrestimit të tyre nuk dihet përveçse po dyshojmë se janë hakmarrëse dhe po ndërlidhen me situatën në veri të vendit.
