Pas 108 orësh, nëna dhe tre fëmijët e saj shpëtohen nën gërmadhat e ndërtesës në Turqi

Ekipet e zjarrfikësve të qytetit të Antalias, 108 orë pas tërmetit, kanë shpëtuar të gjallë nënën dhe tre fëmijët e saj nga rrënojat në Hatay.

Pas tre orë përpjekjesh intensive, ekipet nxorën nga rrënojat 41-vjeçaren Neslihan Karadeniz dhe fëmijët e saj, Fatma 21-vjeçare, Munire 15-vjeçare dhe Ramazan 7-vjeçar.

Raportohet se tashmë nëna dhe tre fëmijët i janë dorëzuar ekipeve mjekësore për trajtime të mëtejme.

Turqia është goditur gjatë ditës së hënë nga dy tërmete të fuqishme duke shkaktuar mijëra viktima dhe dëme të mëdha materiale.

Shumë ekipe të kërkim-shpëtimit po luftojnë me kohën për të gjetur të mbijetuar nën gërmadhat e ndërtesave të rrënuara.

Numri i viktimave nga tërmeti në Turqi e Siri ka arritur në 22,774 mijë.