Avokati Tomë Gashi, ka njoftuar se i është bashkuar mbrojtjes së Kryeshefit të pezulluar të KEK-ut Nagip Krasniqit, i cili gjendet në paraburgim. Gashi gjithashtu është avokat edhe i Martin Berishajt, i cili është përfolur se është përfshirë në një skandal ndërkombëtar, që ka të bëj pikërisht me energjinë. Madje Lidhja Demokratike e Kosovës përmes një konference për media pati pretenduar se ekziston një lidhje ndërmjet Nagip Krasniqit e Martin Berishajt, për keqperdorime me energji elektrike, duke i quajtur të dy “shokë të Kurtit në llupën e drejtësisë”.
Por Avokati Gashi mendon ndryshe. Sipas tij Krasniqi duhet të lirohet nga paraburgimi, e të lirohet komplet nga akuza, sepse siç pretendon avokat Gashi, Krasniqi ua ka ndalur “tagjinë” disa personave në Korporatë.
Njoftimi i Gashit:
Jo kalkulime por drejtesi!
Per z. Nagip Krasniqin duhet te kete drejtesi e jo kalkulime te Prokurorise
nen ndikimin e se ciles po bie edhe Gjykata.
Nga sot po i bashkohem ekipit mbrojtes te z. Nagip Krasniqit. Ne, ekipi mbrojtes, se shpejti do te paraqesim ankese ne Gjykaten Supreme te Kosoves, e cila duhet ta liroje z. Krasniqin nga paraburgimi i padrejte, i panevojshem, e i kunderligjshem!
Po flitet se Nagipi, ne KEK, plotve iu ka ndale tagjine, por une nuk po mundem ta besoj qe ata kane ndikim ne drejtesi.
Sa me shpejt qe Nagipi lirohet, aq me shpejt nje padrejtesi ndaj tij permiresohet!
