Peci: Mora ministrinë me 40 milionë euro borxhe, ia dorëzoj pasardhësit me 110 milionë në dispozicion

Ministri i Bujqësisë, Faton Peci ka treguar të arriturat e tij prejse mori postin e ministrit.

Peci tha se kur ka ardhur ka gjetur 0 euro buxhet dhe borxhe në vlerë prej 40 milionë eurosh.

“Mora drejtimin e Ministrisë me 41 milionë euro borxhe, ndërsa do ia dorëzoj pasardhësit në Ministrinë e Bujqësisë 110 milionë euro në dispozicion!”, ka shkruar Peci në Facebook.

Sipas Pecit, nga këto 110 milionë euro, 90 milionë euro janë buxhet nacional, ndërsa 20 milionë euro të siguruar nga donatorët e organizatat ndërkombëtare.

“Nga borxhet, korrupsioni dhe zhvatja tek mundësitë, transparenca dhe mundësitë e barabarta!”, ka shkruar ai në Facebook.