Ministri i Bujqësisë, Pylltarisë dhe Zhillimit Rural, Faton Peci ka një sqarim lidhur me bastisjen e djeshme në ministrinë që ai drejton. Peci përmes një videoje ka thënë se nuk është raportuar e vërteta dhe se pretendimmet për të cilat është raportuar që ai të ketë fshehur dosje në ministri nuk qëndrojnë.
Teksa ironizon me efikasitetin e drejtësisë të treguar siç thotë ai në këtë rast spekulativ, thotë se për katër vjet organet e drejtësisë nuk u aktivizuan për qindra lëndë që ata i dorëzuan për korrupsion në vlerë deri në 500 milion euro. Ndërsa u treguan efikase në një rast spekulativ.
Peci po ashtu ka thënë se për ata që dëshirojnë t’i shpallin luftë, luftë do të ketë. Ndërsa pohoi se për një kauzë në shërbim të luftimit të krimit dhe korrupsionit, e në mbrojtje të dinjitetit tim personal, është i gatshëm të vdesë.
I falënderoi organet e rendit dhe drejtësisë, për efikasitetin e treguar mëngjesin e djeshëm. Një raportim spekulativ mjaftoi që t’i aktivizoi qysh në orën tetë të mëngjesit. Ndërkohë për katër vite me radhë, kemi dorëzuar qindra lëndë, që dëshmojnë korrupsion dhe dëme financiare që i janë shkaktuar Republikës së Kosovës, në vlerë deri në 500 milion euro, por nuk kemi parë asnjë lëvizje nga ta. Me gjasë na e kanë lënë Seen. Prandaj ndjejë obligim ndaj 133 mijë 987 qytetarëve, që së fundi kanë shprehur besimin e plotë në punën time si ministër. Veçanërisht në luftën kundër krimit dhe korrupsionit. Si shenjë mirënjohje për këtë besim, iu siguroi që jam i vetëdijshëm, për rë gjitha veprimet që po ndermerren nga disa mekanizma dhe për mënyrën se si po organiziohen propaganda, shpifjet dhe përpjekjet për denigrim. Jam i vendosur ta mbroj punën time të ndershme dhe ta ruaj dinjitetin personal dhe dinjitetin familjar. Për ata që dëshirojnë të shpallin luftë ndaj meje, luftë do të ketë. Për një kauzë të tillë në shërbim të luftimit të krimit dhe korrupsionit, e në mbrojtje të dinjitetit tim personal, jam i gatshëm çdo ditë të vdes”, ka thënë Peci.
