Sot në Hotel Grand në Prishtinë, Kryeministri Albin Kurti dhe deputetja e Lëvizjes VETËVENDOSJE!, Arjeta Fejza, morën pjesë në hapjen e punimeve të Këshillit Botëror të IUSY (International Union of Socialist Youth).
Ky organizim i rëndësishëm shënon një kapitull të ri për Rininë për VETËVENDOSJE! dhe për vetë Kosovën. Për herë të parë, vendi ynë është nikoqir i mbi 150 të rinjve progresistë nga e gjithë bota, të cilët janë mbledhur për të diskutuar, bashkëpunuar dhe ndërtuar ura solidariteti ndërkombëtar.
Ky është një moment historik – jo vetëm për organizatën rinore të Lëvizjes, por për gjithë të rinjtë e Kosovës që e shohin të ardhmen e tyre në pjesëmarrje aktive, demokraci dhe drejtësi sociale.
Mirë se vini në Prishtinë – në zemrën e një rinie që guxon të ëndërrojë dhe të veprojë, njofton LVV. /Indeksonline/
