Qendra Kombëtare për Menaxhimin e Kufirit ka publikuar përditësimin më të fundit mbi gjendjen në pikat kufitare të Kosovës.
Sipas të dhënave të fundit, pika kufitare në Dheu i Bardhë vazhdon të jetë më e ngarkuara.
Për të hyrë në Kosovë përmes kësaj pike, qytetarët po presin deri në një orë, ndërsa kolona e automjeteve ka arritur rreth 500 metra, raporton IndeksOnline.
Pritje të shkurtra ka edhe në pikën kufitare në Han të Elezit, ku për hyrje në Kosovë qytetarët po presin deri në 10 minuta.
Në pikat e tjera kufitare, situata paraqitet e qetë dhe pritjet nuk zgjasin më shumë se pesë minuta, si për hyrje ashtu edhe për dalje nga Kosova.
Ndërkaq, në pikën kufitare në Muçibabë, pritjet për dalje nga Kosova zgjasin deri në 25 minuta, ndërsa kolona e automjeteve është rreth 125 metra.
Përditësimi i fundit i gjendjes është bërë në orën 23:15. /IndeksOnline/
