Një ngjarje e paprecedentë duket të ketë ndodhur të enjten e 22 qershorit në një qendër fitnesi, protagoniste të së cilës thuhet të jenë dy prej artisteve më me nam në trojet shqipfolëse, këngëtarja Nora Istrefi dhe rep artistja Melinda Ademi.
Dyshja thuhet të jenë përleshur fizikisht me njëra-tjetrën, derisa dëshmitarët që kanë qenë të pranishëm në vendin e ngjarjes, kanë treguar se Dyshja thuhet të jenë përleshur fizikisht me njëra-tjetrën, derisa dëshmitarët që kanë qenë të pranishëm në vendin e ngjarjes, kanë treguar se gjendja e tyre në ato momente ishte absolutisht e palakueshme.
Deri më tani nuk është publikuar asnjë imazh që do ta zbardhte rastin në fjalë, veç se ajo që dihet është se dyshja, Nora e Melinda nuk e ndjekin më njëra-tjetrën në mediat sociale, ani pse në të kaluarën ato kishin pasur një bashkëpunim muzikor.
Por, përkundër kësaj – dyshja vazhdojnë t’i kenë akoma të qasshëm postimet e tyre të bashkëpunimit të vitit 2021, kur ato bashkë me rep artistin Gjiko patën publikuar hitin “Ay Caramba”.
Kënga “Ay Caramba” që aktualisht numëron afro 25 milionë klikime, vazhdon të mbetet e postuar në të dy profilet e artisteve, dhe jo vetëm.
Edhe fotografitë e bëra gjatë shesh xhirimeve të video klipit të këngës në fjalë, e ku Nora dhe Melinda shihen bashkë me njëra-tjetrën, vijojnë të mbeten pjesë e postimeve të tyre në profilet e Instagramit.
Gjithsesi, lidhur me rastin e përleshjes fizike, nuk kanë reaguar deri më tani, as Nora Istrefi e as Melinda Ademi.
Albanian Post ka tentuar të marrë versionet e artisteve mbi aludimet në fjalë, por asnjëra prej tyre nuk kanë pranuar të përgjigjen./Albanian Post
