“Janë të paktën pesë të vdekur, përfshirë edhe vrasësin”.
Kështu tha shefi i policisë së Madison, Wisconsin, kur foli për të shtënat që ndodhën në shkollën e krishterë Abundant Life, duke specifikuar se sulmuesi ishte një student dhe të paktën shtatë persona u plagosën.
Shefi i policisë lokale, Shon Barnes, u tha gazetarëve se oficerët e tij nuk hapën zjarr, kështu që sipas të gjitha gjasave, vrasësi i shkollës në Wisconsin, një i mitur, i gjetur i vdekur, do të kishte kryer vetëvrasje.
“Ky mbetet një hetim aktiv dhe në vazhdim”, tha policia e Madison në një deklaratë.
Më shumë informacion do të publikohet pasi të jetë në dispozicion. Aktualisht kemi nevojë që njerëzit të shmangin zonën”.
Shkolla ka rreth 390 nxënës, nga kopshti deri në shkollën e mesme, sipas faqes së saj në internet.
Ajo ndodhet në një kampus prej 28 hektarësh që pret studentë nga rreth 200 familje në zonën e qarkut Dane.
Pamjet televizive jashtë shkollës treguan dhjetëra makina policie, ambulanca dhe automjete të shërbimit zjarrfikës që tërhiqeshin në rrugët jashtë shkollës.
