Deputeti i PDK-së, Hisen Berisha është shprehur i revoltuar në Kuvendin e Kosovës pas thirrjes së seancës të jashtëzakonshme për energjinë, shkruan Gazeta Online Reporteri.net.
Berisha tha se ka pritur që të thirret seancë e jashtëzakonshme për shqetësimin e madh që ka situata e sigurisë në veri dhe Prishtinë.
“Kam qenë i befasuar për keq, si ka mundësi me u thirr seancë e jashtëzakonshme për temën për energjinë. Ajo çka kam pritur ka qenë me thirr seancë të jashtezakonshme për shqetësimin e madh që ka situata e sigurisë në veri dhe në Prishtinë. Zhvillimet në veri kanë qenë demokratike, ishte në harmoni me kërkesat e ShBA-ve. Kërkuan shtyrje të këtij vendimi, ata thanë deri në themelimin e Asociacionit, dhe amerikanët na thanë të njëjtën gjë”.
“Ju refuzuat ta bëni, prej kur keni hy kam paralajmëruar që do t’jeni ju ata që do e bëni Asoiciacionin”.
Derisa një nga deputetet e pushtetit reagon, deputeti i VV-së, i thotë ta “ulë dorën”.
“Ule ate dore ti goce atje…ajo qe kam paralajmëruar po bëhet realitet. Kur keni filluar me lujt nga të gjitha ato vendime qe e kanë sjell Kosovën deri këtu, të konsoliduar si shtet, tendenca për reformatim ka fillu me m’ba me dyshu se ju po rrëshqitni ndaj diçkaje tjetër, e ajo është tradhtia ndaj vendit tonë”.
Pas kësaj deklarate kanë reaguar deputetët e pozitës, ndërsa deputeti i PDK-së vazhdoi duke thënë se në Kuvend ka dëgjuar edhe fjalor më të rëndë.
“Mos t’ju brengos ky fjalor, kom dëgju fjalor edhe më fyes. Njerëzit që e kanë bo Kosovën, do burra që kanë vesh uniformë dhe armë e ju sot, keni thirr një seancë për energjinë dhe po fyeni intelegjencën e të gjithë deputetëve dhe popullit, dhe po doni me prezantu situatën të qetë e sikur asgjë spo ndodh”.
