Podujeve: 1 Qershori – Dita Ndërkombëtare e Fëmijëve u shënua me një program të pasur festiv e sportiv

1 Qershori – Dita Ndërkombëtare e Fëmijëve u shënua me një program të pasur festiv e sportiv

Dita Ndërkombëtare e Fëmijëve në komunën tonë u shënua me një program të pasur festiv e sportiv, duke sjellë gëzim e ngjyra në Sheshin “Katër Dëshmorët” për fëmijët që ishin mbledhur.

Aktivitetet nisën me maskota që dhuruan buzëqeshje për më të vegjlit. Më pas shoqëria Kulturo-Artistike “Zahir Pajaziti” solli valle popullore, duke i dhënë ngjyra kësaj feste të fëmijëve.

Shkolla e kitarës “Mirela” u kujdes për interpretimin e disa këngëve, ndërsa në bashkëpunim me federatat sportive u organizuan aktivitete sportive si: pingpong, shah dhe lojëra atletike për fëmijët e klasave I–IX.