Podujevë, 23 qershor 2025 – Në kuadër të zhvillimit të turizmit lokal, Drejtoria e Planifikimit dhe Zhvillimit Ekonomik ka nisur projektin për rregullimin e një hapësire publike në fshatin Kërpimeh.
Zona në fjalë, e cila më parë ishte e mbushur me objekte të vjetra dhe të rrezikshme për kalimtarët, është duke u transformuar në një park funksional në shërbim të banorëve dhe vizitorëve të zonës.
Ky projekt përfshin:
ADVERTISEMENT
- Pastrimin dhe largimin e objekteve ekzistuese,
- Mbjelljen e drunjve dekorativë dhe pishave,
- Vendosjen e ulëseve për pushim dhe shporta për mbeturina.
Qëllimi i projektit është që kjo hapësirë të shndërrohet në një ambient të sigurt, të pastër dhe tërheqës për komunitetin lokal dhe vizitorët.
Punimet në terren janë përcjellë nga afër nga drejtori i Drejtorisë së Planifikimit dhe Zhvillimit Ekonomik, z. Vigan Salihu.
