Një ngjarje e rëndë ka ndodhur në familjen Bici në fshatin Godishnjakë të Podujevës, ku një familjar i tyre, rreth 50-vjeçar, u gjet i shtrirë sot pasdite, në një fushë afër fshatit. Sinjali mëson se bëhet fjalë për Ramiz Bicin, i cili ka humbur jetën pasi është dërguar në spital.
Burimet nga Emergjenca kanë bërë me dije së në vendin e ngjarjes ka dalë Emergjenca bashkë me Policinë, që e kanë transportuar viktimën në spital, por pas një periudhe të shkurtër, i njëjti ka ndërruar jetë.
Sipas informacioneve që ka Sinjali, akoma nuk dihen rrethanat në të cilat viktima ka përfunduar i shtrirë në tokë.
Në anën tjetër, Policia ka kryer ekzaminimet e nevojshme dhe kanë nisur hetimet qe zbardhin rrethanat e ngjarjes.
Raporti i plotë:
HETIM I VDEKJES
Podujevë 15.01.2023 – 12:50. Një mashkull kosovar është gjetur i shtrirë në fushë i alivanosur. Në vendin e ngjarjes ka dalur ekipi mjekësor, kanë marrë viktimën për ta dërguar në trajtim mjekësor. Mjeku kujdestar nga emergjenca ka konstatuar se viktima ka ndërruar jetë. Me vendim të prokurorit trupi i pajetë është dërguar në obduksion.
