Janë inicuar procedurat e prokurimit për ndërtimin e tri anekseve shkollore në shkollat “Ibrahim Rugova”, “Enver Maloku” dhe “Xheladin Rekaliu” në qytet.
Ndërtimi i këtyre tri anekseve shkollore do të mundësojë zhvillimin e mësimit gjithëditor në shkollat e qytetit.
“Përmes ndërtimit të këtyre anekseve, do të zgjerojmë kapacitetet hapësinore, do të krijojmë kushte më të mira për nxënësit dhe mësimdhënësit, si dhe do të mundësojmë zhvillimin e mësimit kabinetik në përputhje me standardet bashkëkohore të arsimit”, theksoi Kryetari Bulliqi.
Komuna planifikon që në fazën e radhës të përfshihen edhe shkollat në fshatra, duke kompletuar kështu infrastrukturën e nevojshme për zbatimin e mësimit gjithëditor në të gjitha shkollat e Komunës së Podujevës.
