Podujevë – Kryetari i Komunës së Podujevës, Shpejtim Bulliqi, ka pritur sot Koordinatorin e OKB-së për Zhvillim, z. Stephen O’Malley, përfaqësuesen e FAO-s, znj. Armanda Jahjën, si dhe z. Shpend Qamilin.
Gjatë takimit u diskutua për çështje me rëndësi të drejtpërdrejtë për qytetarët e Podujevës, me fokus të veçantë në zhvillimin e bujqësisë dhe mbështetjen e projekteve të udhëhequra nga gratë.
Palët u dakorduan për ndërmarrjen e hapave konkretë për sigurimin e mbështetjes për disa projekte të rëndësishme për komunën, me synim krijimin e mundësive të reja për zhvillim ekonomik dhe hapjen e vendeve të reja të punës.
Ky bashkëpunim pritet të kontribuojë në fuqizimin e sektorit të bujqësisë dhe në mbështetjen e iniciativave që ndikojnë drejtpërdrejt në zhvillimin ekonomik të Podujevës.
