Në kuadër të bashkëpunimit mes Komunës së Podujevës dhe organizatës CARE International Balkans, sot janë nënshkruar 11 kontrata të reja me gratë përfituese të projektit “Avancimi i përfshirjes së grave të Kosovës në agrobiznes (AKWA)”.
Kjo ndihmë përfshin serra 50m², motokultivatorë me frezë dhe makina mjelëse.
Në ceremoninë e nënshkrimit mori pjesë kryetari i Komunës, Shpejtim Bulliqi, drejtoresha e Bujqësisë, Pylltarisë dhe Zhvillimit Rural, Lirie Hoti dhe përfaqësues nga organizata Care.
Kryetari Bulliqi iu uroi suksese grave përfituese dhe u premtoi se Komuna do të vazhdojë ta mbështes sektorin e bujqësisë.
“Ju po dëshmoni çdo ditë se jeni forcë e madhe në zhvillimin e bujqësisë. Me këto pajisje ju do të keni mundësi të rrisni prodhimin dhe të siguroni të ardhura më të qëndrueshme në ekonominë familjare”, tha Bulliqi.
