Podujevë: Policia shkatërron plantacion të madh të kanabisit në fshatin Dumnicë, arrestohen katër persona
Podujevë, 21 shtator 2025 – Policia e Kosovës ka ndërmarrë një aksion në fshatin Dumnicë të Podujevës, ku është zbuluar dhe shkatërruar një plantacion i madh i substancës narkotike kanabis sativa.
Në fshatin Dumnicë e Poshtme të Podujevës, rreth orës 17:30, janë arrestuar katër persona, dy shtetas të Kosovës dhe dy shtetas të Shqipërisë, nën dyshimin për kultivim të bimës narkotike kanabis.
Sipas Policisë së Kosovës, në pronën e dy shtetasve kosovarë është zbuluar një sipërfaqe prej rreth një hektari, e mbjellë me misër dhe bimë narkotike të llojit kanabis, me gjatësi të ndryshme. Dy të dyshuarit nga Shqipëria dyshohet se kanë qenë të angazhuar si punëtor në këtë plantacion.
