Shpërndahen 14 motokultivatorë me frezë, kosë dhe rimorkio
Janë shpërndarë 14 motokultivatorë me frezë, kosë dhe rimorkio për 14 fermerët përfitues nga projekti që është bashkëfinancuar nga Komuna e Podujevës dhe organizata “Qatar Charity”.
Në procesin e shpërndarjes së mekanizmit bujqësor ka marrë pjesë drejtori i Bujqësisë, Fatmir Rudari i cili i ka uruar të gjithë fermerët përfitues nga ky projekt dhe u zotua para tyre se mbështetja në sektorin e bujqësisë për fermerët e vyer do të rritet.
Me këtë rast drejtori Rudari ka falënderuar edhe organizatën nga Katari për bashkëpunimin e shkëlqyeshëm me Komunën e Podujevës në shumë sektorë dhe veçanarisht për ndihmën që po ofrojnë në sektorin e bujqësisë për blerjen e mjeteve të punës për fermerët llapjanë.
https://m.facebook.com/story.php?story_fbid=pfbid02v3qbNPWcK2xJUcdK27L3zhd5aBPZkB4TZaq9WHccBnbn6iyNDzTZFDc29RkJbdKnl&id=100069158321486&mibextid=Nif5oz
21.06.2023, Podujevë
Zyra për Marrëdhënie me Publikun dhe Informim
