Incidentet në lokale të ndryshme, sidomos në ato që frekuentohen edhe pas mesnate janë goxha të shpeshta në vendin tonë. Si rezultat i rasteve të tilla, Policia ka kryer kontroll mbrëmë në një lokal në fshatin Sfeçël në Podujevë, raporton Gazeta Sinjali.
Siç merr vesh Sinjali bëhet fjalë për lokalin me muzikë live “Hawana”, që u bastis pas mesnatës.
Bazuar në informacionet e para, te dy persona që ndodheshin brenda, Policia ka gjetur armë të ftohta, thika që i mbanin me vete.
Thikat janë sekuestruar nga zyrtarët policorë, ndërsa të dyshuarit janë shoqëruar në stacion policor, ku janë intervistuar.
Lidhur me incidentin, Prokurori i Shtetit ka urdhëruar inicimin e rastit ndaj tyre për armëmbajtje pa leje.
ADVERTISEMENT
