Policia e Kosovës në Zveçan ka pranuar informacione për një lokacion ku dyshohej se mund të kishte armë pa leje. Pas daljes në terren, njësitë policore kanë gjetur uniforma kamuflazhi, një helmetë dhe pesë karikatorë të mbushur me fishekë.
Zëvendëskomandanti i Policisë Rajonale në Veri, Veton Elshani, ka konfirmuar se janë gjetur edhe disa uniforma që mbajnë armë.
“Kemi pranuar një informacion se një një vend të caktuar, këtu në Zveçan, ka mundësi që të ketë armë pa leje, kemi ndërhyer menjëhërë, kemi hasë në uniforma, uniforma kamuflazhi, helmetë, pesë karikatorë të mbushur me fishekë, radiolidhje, ka pasë edhe uniforma të tjera kësi gjykësore. Kemi hasë në radiolidhje që besojmë që është e Policisë më herët që ka qenë funksionale. Kemi hasë në radiolidhje që besojmë që është e Policisë më herët që ka qenë funksionale. Ne konsiderojmë që ato janë mbetje të rastit të Bajnskës apo të dyshimtëve të rastit të Banjskës.”, deklaroi Elshani para mediave.
Ai bëri të ditur se mjetet e gjetura janë gjetur në një rimorkio, e cila sipas policisë i përket një personi të dyshuar për përfshirje në sulmin e Banjskës dhe që është në kërkim nga Prokuroria Speciale e Republikës së Kosovës.
“Aty nuk ka banues, mirëpo konsiderojmë që e dijmë të dyshimtin dhe tash vazhdojmë me procedura të tjera”, tha tutje Elshani.
