Policia e Kosovës ka konfirmuar djegien e dy kamionëve që ishin vendosur në barrikada te vendi i njohur si “Shkëmbi i Dudës”.
Sipas policisë nuk raportohet për të lënduar por vetëm për dëme materiale.
Ata kanë thënë se ky rast po hetohet.
“Bazuar në informacionet zyrtare, në mëngjesin e hershëm është raportuar se në lokacionin e quajtur “Shkëmbi i Dudës” në Mitrovicën e Veriut janë djegur dy mjete të rënda (kamionë), të cilët kanë qenë të vendosur në barrikadë. Përveç dëmeve materiale nuk raportohet për lëndime, përderisa rasti është duke u hetuar.”, thuhet në njoftimin e tyre.
Mëngjesin e sotëm raportohet se dy kamionë që janë vendosur si barrikada në Veriun e Kosovës janë djegur.
Kamionët ishin vendosur saktësisht te “Kërrshi i Dudës”. Për shkaqet e diegies nuk dihet ende asgjë.
Kamionët u vendosën si barrikadë në Zveçan dy ditë më parë.
Megjithëkëtë largimi i barrikadave është paralajmëruar që të fillojë sot në mëngjes. Por diçka e tillë nuk është parë ende të ketë ndodhur.
Barrikadat nga veriu pritet të hiqen sot
Presidentja e Kosovës, Vjosa Osmani mbrëmjen e së mërkurës ka thënë se është çështje orësh largimi i barrikadave, duke thënë se nëse nuk ndodhë kjo, “do të ketë veprim të menjëhershëm”.
Osmani në “Rubikon” ka deklaruar se barrikadat do të largohen, “pas koordinimit me aleatët e vendit”.
“Por mund të them se pikërisht për shkak të kooridnimeve me aleatët tanë, është çështje orësh heqja e barrikadave, dhe nëse nuk largohen ato, do të ketë veprim të mënjehrshëm të dakorduar, të institucioneve tona.” – tha ajo.
Edhe nga pala serbe kanë deklaruar se barrikadat mund të nisin të hiqen mëngjesin e së enjtës.
Presidenti i Serbisë, Aleksandër Vuçiq, ka thënë se barrikadat do fillojnë të hiqen mëngjesin e së enjtes, pasi sipas tij, “serbët ia pranuan propozimin.
Radio Evropa e Lirë raporton se Vuçiq, pas takimit në Rashkë me serbët nga Kosova, ka thënë se barrikadat hiqen deri pas 48 orëve.
“Për 24 orë apo 48 orë do të hiqen barrikadat.” – ka thënë ai.
Kosovo-Online ndërkaq, citon Vuçiqin të ketë thënë se “i la serbët të marrin vendimin e tyre”.
“I kam lutur, i kam lënë vetëm të marrin një vendim dhe më pas më kanë dorëzuar atë që kanë hartuar në barrikada. Serbët nuk besojnë në institucione.” – ka thënë Vuçiq.
Ai tutje ka vazhduar: “Barrikadat do të largohen, por jo edhe mosbesimi”.
E tensionet në veri janë ngritur që nga nëntori, kur serbët u larguan nga institucionet e Kosovës. Por, tensionet kulmuan me vendosjen e barrikadave më 10 dhjetor./Nacionale
