Mengjesi i 6 shkurtit për Turqinë shënon datë të kobshme. Kjo pasi që tërmeti me magnitudë 7.8 ballë rrënoi shumë ndërtesa duke lënë të vdekur qindra persona, numër ky i konfirmuar deri më tani.
Të prekur nga ky rast edhe në mënyrë jo të drejtpërdrejt janë edhe shumë shqiptarë vizitorë.
Kështu edhe llapjani, Poatriot rudari, profesor i Gjeografisë në Gjimnazin e Podujevës, ka kontaktuar me Tv Llapin mëngjesin e sotëm, duke treguar disa detaje lidhur me tragjedinë e ndodhur në Turqi.
Fatmirësisht, ai nuk është prekur nga ky termet, mirëpo, sipas Rudarit në disa përgjigje me shkrim për Tv Llapin, tërmetit i kanë paraprirë edhe disa shenja tjera shqetësuese, të cilat i ka përjetuar edhe vet ai.
Fluturimi prej qytetit Sivas për në Stamboll, i cili supozohej që të ishte i shpejtë sipas tij, zgjati mbi 4 orë dhe me disa incidente pa fatalitet.
“Era e fortë me shi e borë i ka mbyllë disa aeroporte të Turqisë së pari në Stamboll – Tokat nga visha unë, e shkova 120 km larg Tokati në Sivas, pas 4 orëve aeroplani u nisë, ndërsa afër 3 orë u siell në Stamboll. Pasi ra afer toke pat me i rrezue në pistë e herën e katërt pas 4.10 minuta ra shumë keq në aeroportin Sabiha Gokcen edhe u mbyllë edhe ai aeroport, e unë e ndryshova biletën në Tiranë”, ka thënë ai.
Me të ndodhur tërmeti, Rudari thotë se ka kontaktuar me të afërmit e tij në qytetin Gaziantepe, ku edhe është ndjerë termeti.
“Kur ka ndodhë termeti une kam qenë në Stamboll tashmë, por në mëngjes më thirrën prej Tokati që edhe atje është ndjerë tërmeti i cili ka ndodhë në pjesen jugore të Turqisë, Gaziantep, e disa të aferm ishin aty afër dhe ishin shqetsuar me termetin e forte”, ka shkruar Rudari.
Profesori, krahas kësaj tregoi edhe për lidhjen që ka me Turqinë, ku pas kësaj ai ka pranuar shumë thirrje nga Kosova për t’i informuar për familjarët e tyre. Shkuarja e tij në Turqi kësaj radhe kishte të bënte me vizitën e disa bashkëvendasve llapjanë.
“Une në vitin 2015 përmes Facebook-u, i kam gjetë në Tokat – Turqi, bashkëvndasit tonë të Shajkocit të cilët janë debue me dhunë fillim të vitit 1913, nga serbët, e qëllimi ishte që t’i vizitojë e t’i njoftojë përmes televizioneve ata të cilët nuk kanë lidhje më të afërmit në Kosovë”.
Ndrkaq, numri i të vdekurve në Turqi e Siri po vazhdon të rritet si pasojë e tërmetit vdekjeprurës. /Tv Llapi
Patriot Rudari, këto detaje i ka shoqëruar edhe me disa fotografi nga vizita e tij në Turqi:
