Prokuroria: Kjo është shtëpia ku Thaçi dyshohet se urdhëroi maltretimin e viktimave

Prokurori i specializuar James Pace pretendon se mes majit dhe korrikut të vitit 1998, 38 persona ishin mbajtur të ndaluar në qendrën e ndalimit në Drenoc.

Ai tha se Thaçi, Veseli, Krasniqi dhe Selimi kanë bërë keqtrajtime të shumta në disa zona në Kosovë.

Prokuroria ka publikuar Shtabin e UÇK-së në Drenoc, e cila pretendohet të jetë përdorur edhe si qendër e ndalimit.

Po ashtu, Prokuroria ka publikuar edhe një fotografi të Thaçit nga viti 1998, në afërsi të qendrës së ndalimit në Drenoc.

“Pamja në ekran paraqet Shtabin e UÇK-së në Drenoc, ku janë mbajtur disa të ndaluar. Midis majit dhe korrikut të vitit 1998, së paku 38 persona u mbajtën të ndaluar pa proces ligjor të rregullt në Drenoc. Disa herë midis fundit të prillit dhe fillimit të gushtit të vitit 1998, Hashim Thaçi e vizitoi Drenocin. Në ekran duket Hashim Thaçi i armatosur dhe me uniformë gjatë një vizite në Malin e Zatriqit që është afër Drenocit”, ka thënë prokurori.

“Kanë bërë keqtrajtime fizike në Drenoc, Llapashticë. Viktimat u detyruan të hapin vetë varret e tyre. Të ndaluarit u vendosën në dhoma të mbuluara me gjak. Keqtrajtim të pamëshirshëm, ata që mbetën gjallë vuajnë edhe sot. Në Llapashnik, kanë bërë dëmtime të organeve trupore”, u shpreh ai.