Ministri i Punëve të Brendshme Xhelal Sveçla priti sot në takim një delegacion nga Franca, me ç’rast edhe një herë bëri thirrje që të hiqet sa më shpejt regjimi i vizave për qytetarët pasi Kosova tashmë ka plotësuar të gjitha kushtet. Përderisa ministri Sveçla po lobon për heqje të vizave , ministria që ai e udhëheq nga muaji shtator, i ka bllokuar shumë qytetarë, duke mos lëshuar dokumente të udhëtimit , si pasoj e mungesës së materialit.
“Ju mund të aplikoni me procedurë të rregullt, por pasaportën do ta merrni vitin tjetër “, tha një punonjëse në sportelin e qendrës për pajisje të dokumenteve në Prishtinë. Ajo po ashtu tha se aplikimi me procedurë të shpejtë, është ndaluar sepse nuk ka material.
Përkundër insistimit të “Indeksonline” për të marr një përgjigje që tre ditë zyra e informimit të MPB-së, nuk ka kthyer përgjigje. /Indekonline/
