Egzon Syla, ushtar i FSK-së është në mesin e njësiteve që kanë udhëtuar drejt Turqisë për kërkim-shpëtim pas tërmetit shkatërrues.
Ai ka rrëfyer për mediat turke gjithë punën e tyre, duke shtuar se janë vonuar të arrijnë në Turqi shkaku i trafikut ajror.
“Unë jam ushtari senior Egzon Syla. Kemi ardhur nga Kosova. Kur morëm lajmin të hënën, u bëmë gati dhe erdhëm me aprovimin e presidentes. Kemi ardhur pak vonë për shkak të trafikut ajror. Ne kemi dy ekipe të kërkim-shpëtimit dhe qentë e kërkimit. Kemi edhe ekipin e doktorëve”, tregoi Syla.
Ai ka theksuar se përvoja nga Shqipëria, i ka ndihmuar që edhe në Turqi të kenë sukses në gjetjen e disa trupave.
“Jemi duke punuar me ekpet turke. Na kanë ndihmuar shumë. Kemi gjetur disa persona, dhe po vazhdojmë edhe sot. Jemi të pikëlluar nga kjo tragjedi, dhe shpresoj të bëjmë më të mirën. Trupat tanë kanë përvojë pasi kemi punuar në Shqipëri në dy incidente të tilla. Kemi eksperiencë, dhe kjo na ka ndihmuar edhe këtu. Shpresojmë të kemi sukses”, përfundoi ushtari Egzon Syla.
Trupat e FSK-së po vazhdojnë punën edhe më tutje në Turqi./Gazeta Nacionale
Faleminderit Kosovë!
Kosovar search&rescue teams relentlessly work to save people from rubbles.
Kosovar military officer speaks in Turkish, he probably finished military academy in Turkey and he came back to save lives!
A true friendship!
?????pic.twitter.com/vZ3rh54KIV
— Hamdi Fırat Büyük (@HFiratBuyuk) February 12, 2023
